बागलुङ/नेपाली कांग्रेसको १५ औँ महाधिवेशनअन्तर्गत बागलुङ क्षेत्र नं. १ को सभापतिमा खडक थापा सर्वसम्मत चयन भएका छ । तीन दिनदेखि जारी अधिवेशनले थापालाई सर्वसम्मत चयन गरेपनि केही पदाधिकारी, सदस्य र महाधिवेशन प्रतिनिधिमा भने बिहिबार साँझदेखि मतदान चलिरहेको छ ।
अधिवेशन क्षेत्रिय सचिवमा तेजप्रसाद शर्मा, सह–सचिव (महिला) मा पूर्णमाया सुनार र सह–सचिव (खुला) मा दुर्गाबहादुर बोहरा सर्वसम्मत चयन भएको मतदान अधिकृत शालिग्राम भट्टराईले जानकारी दिए ।
सभापतिका अर्का प्रत्यासी नारायण प्रसाद श्रेष्ठले आफ्नो प्यानलबाट उम्मेदवारी दिएका सबै पदमा उम्मेदवारी फिर्ता लिएको बताएका छन् । श्रेष्ठले सहमतिको नाममा आफ्नो पक्षलाई उपेक्षा गरिएको भन्दै श्रेष्ठले बिहिबार विज्ञप्ती जारी गर्दै उम्मेदवारी फिर्ता लिएको र पार्टीलाई सघाउने प्रतिवद्वता जनाएका छन् ।
