काठमाडौं / प्रहरी प्रधान कार्यालयले जेल तथा सुधार गृहबाट भागेका निस्किएका कैदीबन्दीलाई फर्किन अपिल गरेको छ । बिहीबार दिउँसो विज्ञप्ति जारी गरी प्रहरीले भागेका कैदीबन्दीलाई प्रहरी प्रशासनसँग सम्पर्क गर्न भनेको हो ।
कारागारबाट भागेका कैदीबन्दी मध्ये १४५५ जनालाई सेना, प्रहरी र सशस्त्र प्रहरीले देशका विभिन्न भागबाट पक्राउ गरेको छ । यसमध्येकै केही आफैं सम्पर्कमा आएपनि अधिकांशलाई नियन्त्रणमा लिइएको नेपाल प्रहरीका प्रवक्ता डीआईजी विनोद घिमिरेले जानकारी दिए ।
जेनजीको प्रदर्शनपश्चात मंगलबार र बुधबार गरी देशका विभिन्न कारागारमा रहेका १३ हजारभन्दा बढी कैदीबन्दी भागेका थिए ।
