बागलुङ/नजिकिदै गरेका दशै, तिहार र छठ पर्वलाई लक्षित गर्दै सदरमुकाम बागलुङ बजारमा सुपथ मुल्य पसल संचालनमा ल्याएको छ । साल्ट ट्रेडिङ कर्पोरेसन लि. बागलुङले नागरिकलाई सहुलियत दरमा नुन, चिनी, खानेतेल लगायतका खाद्य पदार्थ उपलब्ध गराउने उदेश्यले बजारको उपल्लाचौरमा सुपथ मुल्य पसल संचालनमा ल्याएको हो ।
सुपथ पसलबाट चिनी प्रतिकेजी ९५ रुपैयाँ, नुन प्रतिकेसी २४ रुपैया र शुद्ध तोरीको तेल प्रतिलिटर ३ सय ५५ रुपैयाँमा बिक्री गरिने साल्ट ट्रेडिङ कर्पोरेशन बागलुङका कार्यालय प्रमुख मनोज कुमार श्रेष्ठले जानकारी दिए । चिनी एक जनालाई अधिकतम ६ केजी, नुन ५ केजी र तेलसम्म पाइने श्रेष्ठले बताए ।
उनका अनुसार, बजार मुल्यभन्दा चिनीमा प्रतिकेजी १०, नुनमा २ र शुद्ध तोरीको तेलमा प्रतिलिटर ७० रुपैयाँ छुटको व्यवस्था छ । यो पसल कार्तिक १० गतेसम्म संचालन हुनेछ । पसल बिदाको दिनबाहेक बिहान १० बजेदेखि दिउँसो साढे ४ बजेसम्म संचालन हुने छ ।
