काठमाडौं / नेतृत्व परिवर्तनको गर्मागर्मी बहसवीच खुल्दै,रोकिँदै आएको र जेनजी आन्दोलनबाट सत्ताच्युत नेकपा एमाले को सचिवालय बैठक आगामी मङ्ग्सिरको अन्तिम साता एघारौं महाधिवेशन आयोजना गर्ने निर्णयसहित भर्खर सकिएको छ ।
नेतृत्ववारे महाधिवेशनले नै टुंगो लगाउने सहमतिसमेत जुटेको छ भने सरकार गठन र प्रतिनिधिसभा विघटन दुबैलाई असंबैधानिक ठहर्याउँदै भरपर्दो वातावरण बन्न सके चुनावलाई इन्कार नगर्ने निर्णय पनि भएको छ ।
सचिवद्वय योगेश भट्टराई र गोकर्ण बिष्टले शिष्ट भाषामा चर्कोसङ्ग अध्यक्ष केपी ओलीलाई मार्गप्रशस्तीका लागि बैठकमा राखेका थिए भने उपमहासचिव पृथ्वीसुब्बा गुरुङ्ग, सचिवहरु पद्मा अर्याल र छविलाल बिकले उपयुक्त फोरम र पध्दतिबाट नयाँ नेतृत्व छान्ने दिशातिर जानुपर्ने धारणा राखेका थिए ।
