बागलुङ/संविधान दिवसको अवसरमा उच्च अदालत बार इकाई बागलुङले धौलागिरि प्रादेशिक अस्पतालका बिरामीलाई फलफूल बितरण गरेको छ । संविधान दिवस मुल समारोह समितिले तीन दिनसम्म दिवश मनाउने निर्णय गरेअनुसार बारले फलफूल बितरण गरेको हो । मुल समारोह समितिका अध्यक्ष तथा जिल्ला समन्वय समितिका प्रमुख अमरबहादुर थापाले विविध कार्यक्रममार्फत दिवस मनाउन लागेको बताए ।
२०७२ साल असोज ३ गते संघिय लोकतान्त्रिक गणतन्त्र नेपालको संविधान जारी भएको हो । कार्यक्रममा नागरिकको स्वास्थ्यको अधिकारलाई संविधानले सम्बोधन गरेकोले ती बिषयमा सरोकारवालाले कार्यान्वयनको क्षेत्र हेर्नुपर्ने बताए ।
अस्पतालका मेडिकल सुपरिटेण्डेन्ट डा. किरण तिवारीले अस्पतालले दिएको सेवाबारे जानकारी दिए । उच्च अदालत बार इकाई बागलुङकी अध्यक्ष गीता श्रीषको संचालनमा कार्यक्रम सम्पन्न भएको थियो । उक्त अवसरमा वरिष्ठ अधिवक्ताहरु, बारका पूर्व अध्यक्ष समेतको सहभागिता थियो ।
