काठमाडौं, २५ मंसिर – कांग्रेसको संस्थापन इतर समूहका सभापति उम्मेदवार डा. शेखर कोइरालालाई बरिष्ठ नेता रामाचन्द्र पौडेल र महामन्त्री डा. शशांक कोइरालाको समर्थन प्राप्त भएको छ ।
डा.शेखरको प्यानल नै शशांक निवासमा बसेको स्रोतले जनाएको छ । पौडेलका अति निकट मानिने देवराज चालिसे, कमला पन्त र पिएल चौधरी डा. शेखरको प्यानलबाट सहमहामन्त्री उम्मेदवार बनेपछि पौडेलको समर्थन शेखरलाई खुलेको हो ।
प्रकाशमान सिंह सहमतिमा बाधक भएकाले संस्थापन इतर समूहको साझा उम्मेदवार अब शेखर भएको नेताहरुले बताएका छन् । शेखरको प्यानल नै एकैपटक बाल्मिकी क्याम्पसबाट र्यालीसहित उम्मेदवारी दर्ता गराउने जाने भएको छ ।
