काठमाडौं, २५ मंसिर – सुनौलो स्वाबलम्वन बचत तथा ऋण सहकारी संस्थाका अध्यक्ष छबिलाल खड्काले सहकारीमा माइनसेट अनुसार चल्नुपर्नेमा जोड दिएका छन् । शनिवार सहकारीको १२औं साधारणसभाको कलंकीमा उदघाटन गर्दै अध्यक्ष खड्काले हरेक कार्य सम्मापन गर्दा माइनसेट अनुसार चल्नुपर्ने वताए ।
‘काम गर्दा माइनसेट महत्वपूर्ण कुरा हो, सवै यसै अनुसार चल्नु पर्छ’, अध्यक्ष खड्काले भने, ‘सहकारीलाई शेयर सदस्यको आर्थिक प्रवद्र्धनमा लगाउनु पर्दछ । यसका लागि सवै जुट्नु पर्दछ ।’
कार्यक्रममा सहकारीका सल्लाहकार केदारनाथ गौतमले कार्ययोजना बनाउदा मिसन अनुसार चल्नुपर्ने वताउदै सहकारीको भवन निर्माण गर्नुपर्नेमा जोड दिए ।
सो अवसरमा सल्लाहकार बुद्धि वहादुर खड्का, पत्रकार हरिनारायण गौतम, शिक्षक नारायण गौतमले सहकारी सहकार्यबाटै मजवुत हुने भएकाले शेयर सदस्यको सक्रियता र क्रियाशिलता आवश्यकता हुने वताए ।
साधारणसभाले अध्यक्षद्धारा प्रस्तुत प्रगति प्रतिवेदन र लेखा सुपरीवेक्षण समितिका संयोजकद्धारा प्रस्तुत लेखा प्रतिवेदन सुझावसहित पारित गरेको छ ।
अध्यक्ष खड्काको सभापतित्वमा समपन्न कार्यक्रमको सञ्चालन सचिव कृष्ण जिसीले गरेका थिए ।
