काठमाडौं, २६ मंसिर – नेकपा एमालेका अध्यक्ष केपी शर्मा ओलीले ६० प्रतिशत मत लिएर आउन केन्द्रिय सदस्यहरुलाई निर्देशन दिएका छन् । भक्तपुरमा बसेको केन्द्रीय कमिटीको बैठकलाई आईतवार सम्बोधन गर्दै अध्यक्ष ओलीले पार्टी अब तुफान गतिको रुपमा अगाडि बढ्ने भएकोले कम्तीमा ६० प्रतिशत भोट पार्टीको पक्षमा लिएर आउन निर्देशन दिए ।
स्थायी कमिटी तथा पोलिटव्यूरो गठन मन नपरेको भए पनि मान्नुपर्ने बताउदै ओलिले पार्टीको महाधिवेशन भर्खर भएको र केन्द्रीय कमिटी सर्वोच्च संस्था भएकोले चित्त नदुखाउन आग्रह गर्दै भने, ‘आज जिम्मेवारी पाइएन भने भोलि पाइएला, कसैले चिन्ता गर्नु पर्दैन ।’
स्थानीय, प्रदेश र संघिय चुनाव आएको भन्दै उनले जिल्ला र प्रदेश अधिवेशनमा व्यापक जनपरिचालन गर्न र पार्टी प्रवेश कार्यक्रमलाई ब्यापक बनाउनुपर्ने वताउदै भने, ‘अब हामी तुफान गतीको रुपमा अगाडी बड्छौं । सोही अनुसार कमरेडहरुको गति पनि बढाउनु पर्यो ।’
