पोखरा, २७ मंसिर – नेपाल कम्युनिष्ट पार्टी (माओवादी केन्द्र) गण्डकी प्रदेशको प्रथम अधिवेशनबाट गायत्री गुरुङ अध्यक्षमा निर्बिरोध निर्वाचित भएकी छन् ।
माओबादी केन्द्र गण्डकी प्रदेश कार्यालय सदस्य रहेकी गुरुङको अध्यक्षतामा २८ सदस्य थप्ने गरी २२९ सदस्यीय समिती बनेको हो । गण्डकी प्रदेशको प्रथम अधिबेशनले महिला नेतृत्वमा प्रदेश समिति चयन गरेको हो ।
पोखरा सभागृहमा शनिबारबाट भएको अधिबेशनमा अध्यक्षका आकाक्षी धेरै देखिएपछि प्रदेश सदस्य निर्वाचित गर्दै पहिलो बैठकमा गुरुङलाई अध्यक्षमा प्रस्ताब गरी सर्वसम्मत निर्वाचित गरिएको हो ।
प्रदेशका उपााध्यक्ष, सचिब सहितका आठ पदाधिकारी आगामी बैठकमा निर्णय हुनेछ ।
