काठमाडौं, २७ मंसिर – नेकपा एमालेका नेता भीम रावलले पार्टीमा अध्यक्ष केपी शर्मा ओलीको गुटबन्दीले छलाङ मारेको आरोप लगाएका छन्। पार्टीको केन्द्रीय सदस्य, पोलिटब्युरो र स्थायी कमिटीमा मनोनयन र नेताहरूको कार्यविभाजनको विषयमा असन्तुष्टि व्यक्त गर्दै रावलले यस्तो टिप्पणी गरेका हुन्। सोमबार एमाले बैठकले केन्द्रीय सदस्य, पाेलिटब्युरो र स्थायी कमिटीमा मनोनयन गरेको थियो।
रावलले ट्विट गर्दै भनेका छन्, ‘एमालेमा भर्खरै भएका मनोनयन र जिम्मेवारी वा कार्यविभाजन हेर्दा केपी ओलीजीको अगुवाइमा लामो समयदेखि हुँदै आएको गुटबन्दीले छलांग मारेको देखियो। यो देश र जनताप्रति प्रतिबद्ध पार्टी निर्माणको प्रक्रिया नभई गुटस्वार्थ प्रेरित अहं तुष्टिको नमुना हो।यस्तो प्रवृत्ति हट्नु पार्टी हितमा हुन्छ।’
‘एमालेमा भर्खरै भएका मनोनयन र जिम्मेवारी वा कार्यविभाजन हेर्दा केपी ओलीजीको अगुवाइमा लामो समयदेखि हुँदै आएको गुटबन्दीले छलांग मारेको देखियो। यो देश र जनताप्रति प्रतिबद्ध पार्टी निर्माणको प्रक्रिया नभई गुटस्वार्थ प्रेरित अहं तुष्टिको नमुना हो। यस्तो प्रवृत्ति हट्नु पार्टी हितमा हुन्छ।’
— Dr. Bhim Rawal (@BhimRawal179) December 12, 2021
