बागलुङ, २७ मंसिर – ढोरपाटन दैनिकका म्याग्दी संवाददाता पत्रकार हरिकृष्ण गौतमलाई यसवर्षको सिर्जनशिल पत्रकारिता पुरस्कार प्रदान गरिएको छ । आदर्श सञ्चार सहकारीले हरेक वर्ष प्रदान गर्दै आएको पुरस्कार यसवर्ष पत्रकार महासंघ म्याग्दीका उपाध्यक्षसमेत रहेका गौतमलाई प्रदान गरिएको हो ।
सोमबार सहकारीको १५ औं साधारणसभाका अवसरमा बागलुङ नगरपालिकाका प्रमुख जनकराज पौडेलले गौतमलाई पुरस्कार प्रदान गरे । दश हजार राशीको पुरस्कारसहित गौतमलाई सम्मान गरिएको थियो । परोपकारी पत्रकारितामा अब्बल रहेको भन्दै गौतम पुरस्कृत भएका हुन् ।
