पोखरा, १४ पुस – नेपालकी शीर्ष वरियता प्राप्त खेलाडी सलोनी तामाङ र गंगा शर्मा१८ औं माछापुच्छ«े बैंक पोखरा ओपन तथा भेट्रान्स टेनिस प्रतियोगिताको महिला एकलतर्फ फाइनलमा प्रवेश गरेका छन् ।
कास्की जिल्ला टेनिस संघको आयोजनामा जारी प्रतियोगिता अन्तर्गत मंगलबार भएको सेमिफाइनलमा नेपाल नम्बर १ खेलाडी सलोनीले शर्भानी श्रेष्ठलाई ५–७, ६–३ र ६–० को सेटमा पराजित गर्दै अन्तिममा स्थान बनाएकी हुन् ।
त्यस्तै, गंगाले भगवती विकलाई ६–२, ६–२ को सोझो सेटमा पराजित गर्दै उपाधीका लागि सलोनीसंगको प्रतिस्पर्धा निश्चित गरेकी हुन् ।
प्रतियोगिता अन्तर्गत मेन्स सिंगलतर्फ नेपालका शीर्ष वरियताका प्रणव खनाल तथा दोश्रो नम्बरका प्रदीप खड्का सेमिफाइनलमा पुगे ।
प्रणवले पोखराका विष्णु नेपालीलाई ४–६, ६–६ र ६–२ को सेटमा पराजित गरेका हुन भने प्रदिपले पोखराकै गोविन्द नेपालीमाथि ६–१, ६–४ को सहज जित निकाल्दै अन्तिम चारमा आफ्नों नाम लेखाउन सके ।
त्यस्तै, जुवेन रावतले निशान श्रेष्ठलाई ७–६, ६–१ ले तथा आरब सम्राट हाडाले नेहाल जंग थापालाई ६–२, ६–० ले पराजित गर्दै सेमिफाइनलमा स्थान बनाए । फाइनल पुग्न प्रणवले आरबसँग तथा प्रदिपले निशानसंग प्रतिस्पर्धा गर्नेछन् ।
प्रतियोगिताअन्तर्गत ३५ वर्ष माथिको पु्रुष एकलमा निरज थापा, दावा शेर्पा, भिष्म गुरुङ र सन्तोष खत्रीले अन्तिम चारमा स्थान बनाएका छन् । अब फाइनल पुग्न निरजले भिष्मसँग तथा दावाले सन्तोषसंग प्रतिस्पर्धा गर्नेछन् ।
४५ वर्ष माथिको पुरुष एकलतर्फ चन्द्र शाही, उत्तम लामा, विनोद कायस्थ र विमल गुरुङले सेमिफाइनलको यात्रा तय गरेका छन् । ३५ वर्ष माथिको पुरुष डबल्समा कमल भण्डारी र यज्ञ भण्डारीको जोडीले उपाधिका लागि राजु क्षेत्री र सुदर्शन विष्टको जोडीसँग प्रतिस्पर्धा गर्ने भएको छ ।
