काठमाडौं,२६ पुस – नेपालमा केही दिनयता कोरोना संक्रमितको ग्राफ ह्वात्तै उकालो लागेको छ। त्यसलाई निरन्तरता दिँदै पछिल्लो २४ घण्टामा एक हजार ४४६ जना कोरोना भाइरस संक्रमण देखिएको छ।
स्वास्थ्य तथा जनसंख्या मन्त्रालयका अनुसार बिगत २४ घण्टामा थप २ जना कोरोना संक्रमितको ज्यान गएको छ। नेपालमा हालसम्म कोरोन संक्रमणबाबाट ज्यान गुमाउनेको संख्या ११ हजार ६०६ पुगेको मन्त्रालयले जनाएको छ।
मन्त्रालयका अनुसार यही अवधिमा निको हुनेको संख्या भने कम भएको छ। सोमबार २५५ जना मात्रै संक्रमण जितेर निको भएका छन्। मन्त्रालयले सोमबारसम्म देशभर ७ हजार ८५५ सक्रिय संक्रमित रहेको जनाएको छ।
२४ घण्टायता मन्त्रालयले देशभर ८ हजार ९६५ पीसीआर र २ हजार ४६४ एन्टिजेन परीक्षण गरेको जनाएको छ।
