बागलुङ, ५ माघ – गण्डकी प्रदेशका ले विकास निर्माणमा आम जनताको अपनत्व महसुस हुने कार्यक्रम ल्याउने बताएका छन् । उनले बजेटको मुखैमा सरकार गठन हुँदा छुटेका सबै क्षेत्र समेटेर आगामी बजेट बनाउन पहल गर्ने समेत बताए ।
बागलुङमा कांग्रेसले आयोजना गरेको स्वागत तथा सम्मान कार्यक्रममा नेपालीले भौगोलिक रुपमा छुटेका बिषयमा बजेट समावेश गर्ने र हाल समावेश भएका काम तत्काल थाल्ने समेत बताए । बागलुङमा प्रदेश सरकारको बजेटमा सुरुङ मार्गको योजना बजेटमा उल्लेख थियो ।
‘राजनीतिक र सरकारको पहलमा विकासमा भएको अबरोध फुकाउन पहल हुनेछ’ उनले भने, ‘सबै क्षेत्रको चासोबाटै विकासले गति लिने हो ।’ उनले भौगोलिक रुपमा विकट क्षेत्रको बिकासमा सरकार निरन्तर चासो र चिन्तनमा रहेको पनि बताए ।
पञ्चकोटमा निर्माण भैरहेको संरचना हेर्ने उद्देश्यले आएका नेपालीले बानपा-४ को कुँडुलेमा रहेको शालीग्राम संग्राहलय अबलोकन गरेका थिए । उनले प्रमुख जिल्ला अधिकारीसहितका कर्मचारी भेटेर प्रशासन क्षेत्रलाई चुस्त बनाउन सुझाव दिए ।
नेपाली हालै कांग्रेस केन्द्रीय सदस्यमा समेत निर्वाचित भएका थिए । उनले कांग्रेसले विकासमा अगुवाई गर्ने गरी लाग्न कार्यकर्तालाई निर्देशन पनि दिए । ‘हरेक संभावना र बिकासका एजेण्डामा कांग्रेस कार्यकर्ताले काम गर्नुपर्छ’ उनले भने, ‘युवाहरुले काम पाउने गरी कांग्रेसले नीति र एजेण्डा पनि ल्याउनेछ ।’
कार्यक्रममा काग्रेस सभापति जितबहादुर शेरचन, कांग्रेसका गण्डकी प्रदेश सभापति शुक्रराज शर्माले पार्टीका क्रियाकलाप जनताको सेवामा सर्मपित हुनुपर्ने धारणा राखेका थिए । कांग्रेस सचिव हरिहर शर्माको संचालनमा कार्यक्रम सम्पन्न भएको थियो ।
