पोखरा, २९ माघ – पोखरा महानगरपालिकाको १० औं नगरसभाले ५ विधेयक पारित गरेको छ । शुक्रबार पोखरा सभागृहमा सम्पन्न सभाले ५ वटा विधेयक पारित गरेको महानगरले जनाएको छ । नगरसभाले ४ विधेयक संशोधन गरेको हो भने १ नयाँ विधेयक पारित गरेको हो ।
शुक्रबारको सभाले कर्मचारी सेवा विधेयक २०७८ पारित गरेको छ । यस्तै, बालिबालिका अधिकार व्यवस्थित गर्न बनेको ऐनको दोस्रो संशोधन, खेलकुद विकास समिति खर्च निर्देशिका प्रथम संशोधन, पोखरा प्रज्ञा प्रतिष्ठान ऐनको प्रथम संशोधन, आर्थिक वर्ष कार्यक्रम संशोधन गरिएको छ ।
नगरसभाले आ।वं ०७८/७९ को चालु वार्षिक विनियोजित वजेटबाट अत्यावश्यक योजनामा वजेट रकमान्तर गर्न उपप्रमुख मञ्जुदेवी गुरुङबाटसभा समक्ष संशोधन प्रस्ताव पेश भएकोमा नगरसभाले सो संशोधन प्रस्तावलाई पनि पारित गरेको छ ।
