पोखरा, २ फागुन – पोखराको सिर्जनाचोकमा बनेको गण्डकी प्रदेशको पहिलो आकासे पुलको उद्घाटन आइतबार साँझ पोखराका मेयर मानबहादुर जिसीले गरे । यसअघि नै पुल संचालनमा भने आइसकेको थियो ।
करिब २ करोड ५४ लाखको लागतमा स्टिल स्ट्रक्चर संरचनामा बनेको पुलको उचाई् ८ मिटर रहेको छ ।स्वर्गीय रवीन्द्र अधिकारीले आफू पर्यटनमन्त्री हुँदा सांसद विकास कोषबाट ५० लाख रुपैयाँ विनियोजन गरेपछि त्यहाँ पुल बनाउन थालिएको थियो । त्यसको बाँकी लागत भने पोखरा महानगरले व्यहोरेको हो ।
मेयर मानबहादुर जिसीको ‘स्मार्ट सिटी’ सपनाअन्तर्गत पुल बनेको हो । पैदल यात्रुले पुलका कारण सुरक्षित महुशुस गरेका छन् । ट्राफिक समस्या हटाउन र यात्रुलाई सहज सडक वारपार गर्न पुल बनाएको महानगरले जनाएको छ ।
