काठमाडौं, ४ फागुन – कोभिड-१९ विरुद्धको खोप बेचेको सरकारी छानविन समितिको ठहर छ।
२४ लाख खोप हराएको विषयमा चर्को आलोचना भएपछि गठित समितिले निःशुल्क दिनुपर्ने खोप लगाउँदा पैसा लिएको पाइएको प्रतिवेदन बुझाएको हो। यो विषयमा अख्तियार दुरुपयोग अनुसन्धान आयोगले छानबिन गरिरहेको प्रतिवेदनमा उल्लेख छ।
समितिले अनियमितता गर्नेलाई कारवाही सिफारिश गर्न समिति गठन गर्नुपर्ने माग समेत गरेको छ।
सरकारले १६ माघमा डा. गुणराज लोहनीको संयोजकत्वमा पाँच सदस्यीय छानबिन समिति गठन गरेको थियो।
२४ लाख खोपको हराएकोमा प्रश्न उठेपछि छानबिनका लागि गत माघ १६ गतेको मन्त्रीस्तरीय निर्णयानुसार पाँच सदस्यीय छानबिन समिति गठन भएको थियो।
कोभिड १९ विरुद्धको खोप मौज्दात र उपभोगको अभिलेख राख्न गठन गरिएको छानबिन समितिले प्रतिवदेन सार्वजनिक गरेको हो।
समिति संयोजकमा संयोजकमा डा. गुणराज लोहनी, प्रमुख विशेषज्ञ सदस्य यशोदा अर्याल, प्रमुख जनस्वास्थ्य प्रशासक सदस्य अनिल थापा, उपसचिव (तथ्यांक) सदस्य डा. अभियान गौतम, उप–स्वास्थ्य प्रशासक सदस्यसचिव डा. गुण निधि शर्मा, वरिष्ठ स्वास्थ्य प्रशासक रहेका थिए ।
नेपालमा २०७७ माघ १४ गतेबाट कोभिड–१९ विरुद्धको खोप अभियान सञ्चालन भएको थियो ।
