काठमाडौं, १७ फागुन – सत्तासाझेदार दल नेकपा (एकीकृत समाजवादी)का अध्यक्ष माधवकुमार नेपालले अमेरिकी सहयोग परियोजना (एमसीसी) सम्झौताका विषयमा प्रमुख प्रतिपक्ष दल नेकपा (एमाले)ले संसदमा प्रहसन प्रस्तुत गरेको आरोप लगाएका छन् ।
मंगलबार काठमाडौंमा पार्टीले आयोजना गरेको पत्रकार सम्मेलनमा उनले एमालेले एमसीसी सम्झौताबारे जारी गरेको प्रेस नोट आफूले अध्ययन गरेको भन्दै सो प्रतिक्रिया दिएका हुन् ।
“एमसीसीबारे हामी धारणा लिन्छौँ र त्यसैअनुसार कदम चाल्छौँ भन्ने ओली एण्न्ड कम्पनीबाट सुनेका थियौँ । तर, हामीले अन्त्यमा एमाले न समर्थन न विरोधमा देख्यौँ । संसदमा प्रहसन देखाउनेबाहेक केही गरेन,” उनले भने ।
