रुपन्देही, ७ जेठ – बुटवल उपमहानगरपालिकाको मेयरमा खेलराज पाण्डे र उपमेयरमा सावित्रादेवी अर्याल निर्वाचित भएका छन्।
नेपाली कांग्रेसका उम्मेदवार पाण्डे प्रतिस्पर्धी नेकपा (एमाले) का उम्मेदवार बाबुराम भट्टराईलाई सात हजार ५३३ मतान्तरले पराजित गर्दै मेयर बनेका हुन्। उनले ३० हजार १३० मत पाए भने एमालेका भट्टराईले २२ हजार ५९७ मत पाए।
त्यस्तै, उपमेयरमा एमालेकी उम्मेदवार अर्याल निर्वाचित भएकी छन्। उनी गठबन्धनबाट नेकपा (एकीकृत समाजवादी) का चीनबहादुर गुरुङलाई सात हजार ९९४ मतले पराजित गर्दै उपमेयर बनेकी हुन्।
अर्यालले २४ हजार ९०४ मत पाइन् भने प्रतिस्पर्धी गुरुङले १६ हजार ९८० मत पाए।
बुटवलमा ६३ हजार १७ मत खसेको थियो। यसअघि २०७४ को निर्वाचनमा एमालेले मेयर र उपमेयर जितेको थियो।
