काठमाडौं, ३ असार – नेकपा एमालेका नवनिर्वाचित जनप्रतिनिधिहरुले आफूले कुनै पनि भ्रष्टाचार नगर्ने र आफुले नेतृत्व गरेको पालिकालाई सुशासनमा नमूना बनाउने वाँचा गरेका छन् ।
एमालेबाट निर्वाचित जनप्रतिनिधिहरुको काठमाडौंमा भएको दुई दिने भेलाबाट संकल्पपत्र जारी गर्दै भनेका छन्, ‘आफूले कुनै भ्रष्टाचार गर्ने छैनौं र कडाइका साथ भ्रष्टाचार नियन्त्रण गर्ने छौं ।’
एमाले जनप्रतिनिधिले आफूहरुले नेतृत्व गरेको पालिकाहरु सुशासनका नमूना बनाउने प्रतिवद्धता पनि जनाएका छन् ।
उनीहरुले कर्मचारी नियुक्ति, सरुवा-बढुवा र सेवा प्रवाहमा निष्पक्षता र योग्यतालाई आधार बनाउने संकल्प पनि संगै गरेका छन् । २० बुँदे संकल्पपत्रमा उनीहरुले भनेका छन्, ‘आफन्तजन र स्वार्थ जोडिएका व्यक्तिको पक्षपोषण गर्ने छैनौं।’
वेरुजुको फस्स्र्याेट गर्ने र राजश्वलाई जनताको पक्षमा पूर्णरुपमा ढंगले प्रयोग गर्ने पनि उनीहरुको संकल्प छ । उनीहरुले आफुहरु शासक नभई सेवक बन्ने घोषणा पनि गरेका छन् ।
हेर्नुहोस् एमाले जनप्रतिनिधीको संकल्पपत्र :
