काठमाडौं, २१ असोज – चुनावी तालमेलमा जुटेका सत्तारूढ गठबन्धन सिट बाँडफाँटको सहमतिनजिक पुगेको छ । निरन्तर छलफलमा रहेका गठबन्धन दलहरू सहमति नजिक पुगेका हुन् । सहमतिको अन्तिम खाका आजै सार्वजनिक हुनसक्ने नेताहरू बताउँछन् ।
नेपाली कांग्रेसका नेता ज्ञानेन्द्रबहादुर कार्कीले सिट बाँडफाँटको काम अन्तिम चरणमा पुगेको बताए । सम्भवत आजै सहमतिमा हस्ताक्षर हुने सम्भावना रहेको उनको भनाइ छ । ‘सिट बाँडफाँटका विषयमा लगभग अन्तिम चरणमा पुगेका छौँ,’ उनले भने, ‘लगभग हस्ताक्षर गर्ने अवस्थामा पुगेको छ । सम्भवत आजै सहमतिको सूची सार्वजनिक हुन्छ । गठबन्धनको बैठक अहिले पनि जारी छ ।’
उत्ता, सत्ता भागबण्डामा असन्तुष्ट जसपा भने नेकपा एमालेसँग सहमती गर्न पुगेको छ । सिट बाँडफाँटमा बार्गेनिङ गरिरहेको जसपा र एमाले विच पनि आजै टुंगो लाग्ने भएको छ । जसपा र एमालेबीच निर्णायक वार्ता भइरहेको छ । सम्भवतः शुक्रबार नै सहमतिको खाका सार्वजनिक गर्ने गरी वार्तालाई घनिभूत बनाइएको एमाले नेताहरूले बताएका छन् ।
