काठमाडौं, २७ चैत्र– एकैदिन कोरोना संक्रमितको संख्या सय नाघेको छ । पछिल्लो २४ घण्टामा थप १ सय २४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार २ हजार ५ सय ६६ नमुनामध्ये ९ सय ३ जनाको पीसीआर परीक्षण गर्दा ७७ जना र १ हजार ६ सय ६३ जनाको एन्टिजेन परीक्षण गर्दा ४७ जना गरी १ सय २४ जनामा कोरोना संक्रमण देखिएको हो ।
यस्तै, कोरोना भाइरसको सक्रिय संक्रमितको संख्या ४ सय ४४ पुगेको छ । सोमबार २९ जना कोरोनाबाट निको भएर घर फर्किएका छन् ।
कोरोना भाइरसको सङ्क्रमण बढेसँगै स्वास्थ्य तथा जनसंख्या मन्त्रालयले कोरोना भाइरसविरुद्धको पहिलो मात्रा, दोस्रो मात्रा र बुस्टर डोज लगाउन सबैलाई आग्रह गरेको छ ।
