बागलुङ, १ बैशाख– नेपाल उद्योग वाणिज्य महासंघको केन्द्रीय सदस्यमा बागलुङका व्यवसायी युवराज राजभण्डारी निर्वाचित भएका छन् । गण्डकी प्रदेशबाट उम्मेदवारी दिएका राजभण्डारी र गोरखाका जीवनज्योति श्रेष्ठले आधा आधा कार्यकाल नेतृत्व गर्ने सहमति भएको हो ।
जसअनुसार श्रेष्ठले पहिलो १८ महिना र राजभण्डारीले बाँकी १८ महिना नेतृत्व गर्ने छन् । सामाजिक व्यक्तित्वको पहिचान बनाएका राजभण्डारी बागलुङ उद्योग वाणिज्य संघका निवर्तमान अध्यक्ष पनि हुन् ।
२०५८ सालबाट बागलुङ उद्योग वाणिज्य संघमा आवद्ध राजभण्डारी संघको सदस्य, उपाध्यक्ष, प्रथम उपाध्यक्ष, वरिष्ठ उपाध्यक्षहुदै अध्यक्ष भएर सफलतापूर्वक नेतृत्व गरेका थिए ।
