बागलुङ, ९ असोज– बागलुङ दुग्ध उत्पादक सहकारी संघको अध्यक्षमा दिपक गौतम सर्वसम्मत चयन भएका छन् । सोमबार सम्पन्न २२ औं साधारणसभाले गौतमलाई दोस्रो कार्यकालका लागि अध्यक्षमा सर्वसम्मत चयन गरेको हो ।
संघको उपाध्यक्षमा रामबहादुर हमाल चयन भएका छन् । यसअघि सचिव रहेका हमाल उपाध्यक्षमा चयन भएका हुन् । यसअघिको कार्यकालमा सञ्चालक सदस्य रहेका गोविन्द प्रसाद सापकोटा सचिवमा चयन भएका छन् । संघको सहसचिवमा कमल प्रसाद शर्मा र कोषाध्यक्षमा केशव प्रसाद कँडेल चयन भएको निर्वाचन समितिका संयोजक रामबहादुर जिसीले जानकारी दिए ।
संघको सञ्चालक सदस्यहरुमा गीता सुवेदी, बालानन्द कँडेल, नारायण प्रसाद गैरे, गुणाखर कँडेल, लेखा समितिको संयोजकमा मणिभद्र कँडेल र सदस्यहरुमा गोविन्द बहादुर खड्का र राम प्रसाद कँडेल चयन भएको जिसीले बताए ।
बागलुङ बहुउद्धेश्यीय सहकारीद्वारा संस्थाका समस्याबारे छलफल
बागलुङ बहुउद्धेश्यीय सहकारी संस्थाले सहकारीका समस्याबारे छलफल गरेको छ । राष्ट्रिय सहकारी बैंकका ‘केयर ट्रेनर’ सहितको बैठक बसेर सहकारीले बचत संकलन, कर्जा प्रवाह र भुक्तानी लगायतका बिषयमा छलफल थालेको हो ।
राष्ट्रिय सहकारी बैंकका ‘केयर ट्रेनर’ नवकुमार अधिकारीको उपस्थितीमा बैठक बसेर सहकारीका समस्या पहिचान र समाधानको उपायको खोजी थालिएको अध्यक्ष आशोक गोविन्द राजभण्डारीले बताए ।
बागलुङ बहुउद्देश्यीय सहकारीका शेयर सदस्यहरुला निश्चिन्त भएर सहकारीमा कारोवार गर्न प्रोत्साहित गर्नका लागि सहकारीले छलफल थालेको हो । बैठकमा अधिकारीले सहकारी क्षेत्रको वर्तमान अवस्थाको बारेमा सल्लाह दिँदै चुनौती र समस्याहरुको विस्तृत रुपमा जानकारी गराएका थिए ।
बागलुङ बहुउद्धेश्यीय सहकारी संस्थाको कोष मजबुत रहेकाले कुनै पनि संकटले सहकारीलाई समस्या नपार्ने भन्दै उनले कर्जा असुलीमा जोड दिनुपर्ने सुझाव दिए ।
