बागलुङ, १२ मंसिर– बागलुङ नगरपालिकाले नगर स्तरीय राष्ट्रपति रनिङ शिल्ड प्रतियोगिताको तयारी थालेको छ । सोमबार बसेको सरोकारवालाको बैठकले मंसिर २२ देखि २४ गते सम्म प्रतियोगिता आयोजना गर्ने भएको नगरप्रमुख बसन्तकुमार श्रेष्ठले जानकारी दिए ।
प्रतियोगिताका लागि सबै बिद्यालयलाई सूचना प्रवाह गर्नुको साथै प्रतियोगितामा भाग लिन आफ्नै बिद्यार्थी हुनैपर्ने अनिवार्य व्यवस्था गरेको छ । ‘बाहिरका बिद्यार्थी ल्याएर देखाउने र खेल जित्ने प्रवृत्ति अन्त्य गर्न भर्ना भएको पढेको प्रमाण पेश गर्न भनिएको छ’ श्रेष्ठले भने, ‘कुनै कमजोरी देखिएमा उक्त बिद्यालयले सम्बन्धीत खेल बाहेकका अन्य खेलमा पदक पाएको भएपनि रद्द हुने नीतिगत निर्णय गरिएको छ ।’
खेललाई स्वच्छ र म¥र्यादिन बनाउन उक्त निर्णय गरिएको श्रेष्ठको भनाइ छ । खेलका लागि संभव भए सम्मका सबै खेलकुँदका गतिविधि राखिने बताइएको छ ।
