बागलुङ, ९ पुस– कमर्शियल बहुउद्देश्यीय सहकारी संस्थाको १७ औं वार्षिक साधारणसभा सोमबार सम्पन्न भएको छ । साधारणसभाले चौथो पञ्चबर्षिय रणनीतिक योजना पास गरेको छ ।
सहकारीले निरन्तर पञ्चबर्षिय योजना र लक्ष राखेर काम गरेको अध्यक्ष हिरामणी शर्माले बताए । ५ बर्षको योजना र लक्ष राख्दा सहकारीले दिगो रुपमा काम गर्ने र शेयर सदस्य तथा बचतकर्ताको रकमको दिगो लगानी हुने अवस्था आएको उनले जानकाी दिए ।
कार्यक्रममा संस्थाका सल्लाहकार केवी राना मगरले दिगो सोच राखेर काम गरेकोले निरन्तर नाफा कमाउन सकेकोमा सहकारीको प्रशंसा गरे । केही सहकारीले बचतकर्ताको करोडौं रकम हिनामिना पारेको घटना अघि कमर्शियलले नाफा कमाएर शेयर सदस्यलाई बाँड्न सक्नु ठूलो कुरा हो । साथै ९० बढी कारोवार गर्नेलाई सहकारीले सम्मान समेत गरेको थियो ।
सहकारीले हाल भएको बाल बचत ५० जनाबाट बढाएर २ सय जना बनाउने, दिर्घकालिन बचत संख्या २ सयबाट बढाएर ८ सय पु¥याउने लक्ष राखेको छ । लगानीमा रहेको कर्जा असुलीमा जोड दिने, संस्थामा आवस्यक पर्ने तरलता निरन्तर कायम राख्ने लक्ष राखेको हो । हाल ८ सय ५३ जना शेयर सदस्य रहेको सहकारीमा २३ करोड ५७ लाखको कारोवार भएको छ ।
संस्थाका अध्यक्ष हिरामणी शर्माको अध्यक्षता, सचिव टेकबहादुर आरसीको संचालन र उपाध्यक्ष चक्रबहादुर खड्काको स्वागतमा सम्पन्न कार्यक्रममा बागलुङ नगरपालिका सहकारी शाखा प्रमुख प्रेमप्रसाद पौडेल, अधिवक्ता हरिकृष्ण सुवेदी, जिल्ला सहकारी संघका उपाध्यक्ष पिंगला जिसी, शेयर सदस्यहरु टेकबहादुर क्षेत्री र दुर्गा शर्माले शुभकामना मन्तव्य राखेका थिए ।
