बागलुङ, १६ माघ– घुम्टे युवा परिवार जापान शाखाका उपाध्यक्ष दुर्गा थापाले परिवारका सदस्यको जन्मदिनको अवसर पारेर बिपन्न परिवारलाई खाद्यान्न सहयोग गरेका छन् ।
गलकोट नगरपालिका वडा नं. ७ मल्म घर भई हाल जापानमा काम गर्दै आएका थापाले पत्नि सकुन केसी र छोरा बिनम्र थापाको जन्म दिनको अबसरमा गलकोट–९ बाँसखोलामा सहयोग गरेका हुन् । स्थानीय पुतली विश्वकर्माको परिवारलाई ५५ हजारको खाद्यान्न र नगद ५ हजार सहयोग गरेका हुन् ।
बिकको परिवारलाई उनले दिएको सामाग्री वडा अध्यक्ष तेजबहादुर थापाले हस्तान्तरण गरे । बिकको परिवारमा शारीरिक अपांगता भएका बालबालिका छन् । उनको परिवारमा १० जना सदस्य छन् । ज्याला मजदुरी गरेर परिवार पालेका बिकले सहयोग गर्दा उनीहरुको परिवारमा राहत पुगेको छ । उनको कामप्रति वडाध्यक्ष थापा सहितका जनप्रतिनिले प्रशंसा गरेका छन् ।
