बागलुङ, १७ माघ– सडक दुर्घटनामा बागलुङको कुँडुलेमा तीन जना घाइते भएका छन् । बागलुङाट बेनी जाँदै गरेको ध १ ज १६४ नम्बरको जिप ब्रेक फेल भएर सडकको कुनामा पल्टिंदा मंगलबार राती ३ जना घाइते भएका हुन् ।
घाइते हुनेमा चालक काठेखोला गाउँपालिका–४ तंग्रामका ३६ बर्षिय शितल पुन, म्याग्दीको मंगला गाउँपालिका–१ का २९ बर्षिय पूर्णबहादुर किसान र बेनी नगरपालिका–९ का २२ बर्षिय सुनिल बोहोरा घाइते भएको प्रहरी नायव उपरिक्षक मदन केसीले जानकारी दिए । घटनाको जानकारी पाउनासाथ प्रहरीले उद्दार गरेर अस्पताल ल्याएको थियो । घाइतेको धौलागिरि अस्पतालमा उपचार भएको छ ।
