बागलुङ, ५ फागुन– जेष्ठ नागरिक संघ बागलुङको अध्यक्षमा चिरञ्जिवी कुमार श्रेष्ठ चयन भएका छन् । संघको शनिबार सम्पन्न अधिवेशनले श्रेष्ठको अध्यक्षतामा नयाँ कार्यसमिति सर्वसम्मत रुपमा चयन गरेको हो ।
समितिको उपाध्यक्षमा महेन्द्रसिंह रायमाझी, सचिव बद्रिप्रसाद पौडेल र कोषाध्यक्षमा खिमराम शर्मा, सदस्यहरुमा विष्णुकुमारी खत्री, सहनसिला श्रेष्ठ, दुर्गाबहादुर आचार्य, दलबहादुर खड्का, गोपालबहादुर खड्का र माधवप्रसाद आचार्य रहेका छन् ।
कार्यक्रममा बोल्दै बागलुङ नगरपालिकाका नगरप्रमुख बसन्तकुमार श्रेष्ठले जेष्ठ नागरिकको अधिकार रक्षाका लागि बागलुङ नगरपालिकाले सक्दो भुमिका निर्वाह गर्ने बताए । उनले जेष्ठ नागरिकलाई दिवा सेवा दिनका लागि बजेट छुट्टाए पनि जग्गा अभावले समस्या उत्पन्न भएको बताए ।
कार्यक्रममा सहायक प्रमुख जिल्ला अधिकारी चित्रांङ्गत बराल, समाजसेवी देबबहादुर श्रेष्ठ, निर्वाचन समिति संयोजक गोविन्द ओझा र सदस्य सञ्जीवकुमार श्रेष्ठ लगायतले मन्तव्य व्यक्त गरेका थिए ।
सो अवसरमा संघका सचिव हरिलाल सुवेदीले आर्थिक र कोषाध्यक्ष टेकनारायण शर्माले आर्थिक प्रतिबेदन प्रस्तुत गरेका थिए । कार्यक्रम संघका अध्यक्ष लालचन्द्र राजभण्डारीको अध्यक्षता, उपाध्यक्ष चिरञ्जिवी कुमार श्रेष्ठको स्वागत र सचिव हरिलाल सुवेदीको संचालनमा सम्पन्न भएको थियो ।
