बागलुङ, ६ चैत्र– रोट्रयाक्ट सप्ताह बिविध कार्यक्रमसहित सम्पन्न भएको छ । सामाजिक तथा युवाहरुको क्षमता बिकासमा सक्रिय रोट्रयाक्ट क्लब अफ बागलुङको आयोजनामा संचालित रोट्रयाक्ट सप्ताह मंगलबार सकिएको हो ।
बिगतमा जस्तै यसबर्ष पनि ७ दिन ७ क्षेत्रलाई आधार मानेर गत फागुन ३० गतेदेखि शुरु भएको सप्ताह मुल समारोह र पुरस्कार बितरणसहित सकिएको हो ।
कार्यक्रममा सप्ताह अवधिभर भएका बिभिन्न कार्यक्रमका सहभागीलाई पुरस्कार बितरण र मायाको चिनो प्रदान पनि गरिएको क्लवका सचिव तारा केसीले जानकारी दिइन् । क्लबले स्थापना कालदेखि नै बिभिन्न सचेतनामुलक तथा रचनात्मक कार्यक्रम गरि सप्ताह मनाउँदै आएको छ ।
सप्ताहमा बानपा–४ निरयघाटस्थित रामानुज आश्रममा खाद्यान्न र फलफुल बितरण गरिएको थियोे भने साइवर सेक्युरिटी तथा बित्तिय साक्षरता सम्बन्धी सचेतना, मैत्रीपूर्ण फुटसल, हाइकिङ, महिनावारी सचेतना, ट्राफिक सचेतना तथा ट्राफिक बोर्ड व्यवस्थापन गरिएको सप्ताहका मुल संयोजक सन्तोष बोहोराले जानकारी दिए ।
