काठमाडौं / छठ पर्वको मुख्य दिन सोमबार साँझ अस्ताउँदो सूर्यलाई पूजाआराधना गरी अर्घ दिइएको छ। कार्तिक शुक्ल चतुर्थीदेखि सप्तमीसम्म मनाइने सूर्यदेवको आराधना, उपासना र पूजाको पर्व अन्तर्गत सोमबार साँझ अस्ताउँदो सूर्यलाई पूजाआराधना गरी अर्घ दिइएको हो।
यसैविच, कपिलवस्तुका ६५ स्थानमा हर्षोल्लासका साथ अस्ताउदो सूर्यलाई अर्घ दिदै छठ पर्व मनाईएको छ । कपिलवस्तु नगरपालिका-१ चपरतल्ला स्थित जमुहार नाला, बाणगंगा नदीको रामघाटलगायतमा छठी माताको पूजाआजा र सूर्यको आराधना गर्दै पर्व मनाईएको हो ।
छठलाई निष्ठा, पबित्रता र सद्भावको पर्वकारुपमा मानिएको छ । यस्तै पकडी कृष्णनगर, बहादुरगंज लगायधका स्थाामा रहेको पोखरीमा समेत भक्तजनहरुले सूर्यको विशेष पूजापाठ गरी सामूहिक मनाएका हुन । जिल्ला प्रहरी कार्यालय अनुसार यस बर्ष नदी नाला तलाउ, पोखरीमा गरी कपिलवस्तुमा ६५ स्थानमा छठ स्थान निर्माण गरिएको छ ।
जमुहार नालामा ३ हजार हजार बढी श्रद्धालुहरुले र ५ हजार बढीले रामघाट नदीमा अस्ताउदो सूर्यलाई अर्घ दिएर पूजाआजा गरेका थिए । उनीहरु त्यहा जम्मा भएर सामूहिकरुपमा पूजापाठ समेत गरेका थिए । पूजाआजाका लागि मधेसी, पहाडी, नेवार समुदमयका सहभागी थिए ।
विशेष पूजाको अवसरमा उनीहरुले सूर्य र छठी माताको आराधना समेत गरेका थिए । नदीमा पूजा गरी प्रसादका रुपमा आज बासको सामग्रीमा अर्घ दिएर केरा, ठेकुवा र भसुवा, मूला, केरा, उखु लगायतका परिकार चढाएका थिए ।
