बागलुङ, ७ मंसिर– बागलुङको क्षेत्र नं. १ बाट राष्ट्रिय जनमोर्चाका अध्यक्ष चित्रबहादुर केसी निर्वाचित भएका छन् । केसीले नेकपा एमालेका उम्मेदवार डा. सूर्य पाठकलाई हराउँदै सांसद निर्वाचित भएका हुन् । केसीले २१ हजार ४ सय ५१ मत पाउँदा पाठकले १८ हजार ८ सय २५ मत पाए । चुनावी नतिजा भने घोषणा हुन भने बाँकी छ ।
केसीले २ हजार ६ सय २६ मतको अग्रतासहित जित हात पारे । राष्ट्रिय स्वतन्त्र पार्टीका खिमानन्द कँडेल तेस्रो भएका छन् । उनले ९ हजार १ सय ८१ मत पाए । राष्ट्रिय प्रजातन्त्र पार्टीका लक्ष्मी प्रसाद सापकोटाले ९ सय ३, नेपाली कांग्रेसका शिवलाल सापकोटाले १ सय २५, स्वतन्त्र उमेद्वार चन्द्र बहादुर क्षेत्रीले १ सय ९३ मत पाउँदा एक हजार ७ सय १४ मत बदर भएको छ ।
