बागलुङ, १६ चैत्र– नेपाली कांग्रेस बागलुङको बिहिबार कांग्रेस गण्डकी प्रदेशसभा संसदीय दलका नेता सुरेन्द्र पाण्डेले बीपी स्मृति भवनको शिलान्यास गरेका छन् । पाण्डेले भवनको शिलान्यास गर्दै भवन बनेर स्वाबलम्बी बनेझै कांग्रेस अब सँधै एकल निर्वाचन जित्ने बन्नुपर्ने बताए ।
बानपा–३ को देउराली चोकमा कार्यकर्ताले दिएको जग्गामा चन्दा संकलन गरेर थप जमिन जोडेपछि भवन बनाउन लागेको पार्टी सभापति जितबहादुर शेरचनले बताए । ६ तले, लिफ्ट सहितको भवनमा कांग्रेस पार्टी कार्यालय र भातृसंगठनका कार्यालय तथा सभाहलसमेत बन्ने छ । उक्त भवन दुई बर्षभित्रै सक्ने गरी काम शुरु भएको शेरचनले जानकारी दिए ।
गत बर्षको महाधिवेसनबाट निर्वाचित भएपछि शेरचनले भवन बनाउने पहिलो निर्णय गरेका थिए । स्थानीय कृष्णशंकर श्रेष्ठ, सहदेव राजभण्डारी, जयराम भारी लगायतका कार्यकर्ताले जग्गा दिएका थिए । भवन निर्माणका लागि पदाधिकारी, कार्यकर्ता र जनप्रतिनिधिले चन्दा दिएका छन् ।
