बागलुङ, २३ बैशाख– नेपाल उद्योग बाणिज्य महासंघका अध्यक्ष चन्द्रप्रसाद ढकाललाई जन्मगाउँमा सम्मान गरिएको छ । बागलुङ नगरपालिका वडा नं. १२ को कार्यालयले ढकाललाई बागलुङ बलेवाको अमलाचौरमा स्वागत तथा सम्मान गरेको हो ।
महासंघको अध्यक्षमा निर्वाचित भएपछि पहिलोपटक जन्मगाउँ आएका ढकाललाई स्थानीयले बाजागाजासहित स्वागत गरेका थिए । वडा कार्यालयले ढकाललाई दोसल्ला ओडाएर सम्मान गरेको हो ।
बागलुङको अमलाचौरमा जन्मिएका ढकालले सोही ठाउँमा रहेको पृथ्वी हिरण्य माध्यमिक विद्यायमा अध्ययन गरेका थिए । पहिलेको पृथ्वी माविमा ढकालले पाँच करोड बढी सहयोग गरेर संरचना निर्माण गरेपछि बिद्यालयको नाममा ढकालका पिता हिरण्य प्रसाद ढकालको नाम जोडिएको छ । सम्मान कार्यक्रममा बोल्दै ढकाल आफुलाई व्यवसायी बन्न प्रेरणा प्रदान गर्ने स्थानीय र आँफुले अध्ययन गरेको विद्यालयमा पुग्दा भावुक बनेका थिए ।
सम्मान कार्यक्रममा गण्डकी प्रदेश सभा सदस्य कृष्ण पाठकले ढकालले अमलाचौर मात्रै नभएर व्यवसायीक क्षेत्रमा जिल्ला र प्रदेशकै पहिचान बोकेको बताए । ढकाल उपध्यक्ष र महासंघका सदस्यहरुसहित जन्मगाउँ पुगेका थिए ।
