बागलुङ, १४ साउन– जैमिनी नगरपालिकाले आर्थिक बर्ष २०७८/७९ मा लक्ष्यभन्दा बढि राजश्व संकलन गरेको छ । पालिकाले आर्थिक बर्ष २०७८/७९ मा ९० लाख रुपैयाँ राजश्व संकलन गर्ने लक्ष्य लिएकोमा १ करोड १३ लाख ३ हजार ५ सय २३ रुपैयाँ राजश्व संकलन गरेको छ ।
यो लक्ष्यभन्दा २३ लाख ३ हजार ५ सय २३ रुपैयाँले बढि हो । पालिकाले बहाल करबाट ६२ लाख १५ हजार ५ सय ६९, सिफारिस र नाता प्रमाणित प्रमाण–पत्रबापत १५ लाख ६२ हजार ३ सय ७०, व्यवसाय दर्ता र नविकरणबापत ८ लाख १० हजार २ सय १४, व्यक्तिगत घट्ना दर्ताबापत ६ लाख ५९ हजार ९ सय ४६, भूमि तथा मालपोतबापत ५ लाख ४२ हजार ६ सय २१, सम्पति करबापत नक्सा पासबापत २२ हजार ८ सय ८७ रुपैयाँ संकलन गरेको नगर उपप्रमुख हरिहर शर्माले जानकारी दिए ।
यस्तै, भूमि तथा मालपोतबापत ५ लाख ४२ हजार ६ सय २१, सम्पत्ति करबापत २ लाख ४० हजार ८ सय २१, घर बहाल करबापत ३ लाख ६७ हजार ६ सय ३९, अन्य सेवा शुल्कबापत ८ लाख ७१ हजार १ सय ६५, परीक्षा दस्तुरबापत ४० हजार ३ सय रुपैयाँ राजश्व संकलन भएको छ ।
