बागलुङ, २ पुस– नेपाल जेसीजको राष्ट्रिय उपाध्यक्षमा बागलुङका युवा सौरभ श्रेष्ठ निर्वाचित भएका छन् । बुटवलमा सम्पन्न जेसीजको ५० औं महाधिवेसनमा श्रेष्ठ उपाध्यक्षमा निर्वाचित भएका हुन् ।
श्रेष्ठ बागलुङ जेसीजका निर्वतमान अध्यक्ष हुन् । युवाहरुको क्षमता विकासको क्षेत्रमा जेसीजले विभिन्न क्रियाकलाप गर्दै आएको छ । केही समयअघि मात्र नयाँ नेतृत्व हस्तान्तरण भएपछि श्रेष्ठले केन्द्रको योजनामा अगाडि बढेका हुन् ।
श्रेष्ठको नेतृत्व स्थापित गर्न बागलुङ जेसीजका पूर्व अध्यक्ष तथा पदाधिकारीले केही दिनदेखिनै बुटवल पुगेर प्रचार गरिरहेका थिए । महाधिवेसनबाट नेपाल जेसीजको केन्द्रीय अध्यक्षमा नुवाकोटका रविन पोखरेल विजयी भएका छन् ।
नेपाल जेसीजको २१ सदस्यीय कार्यसमितिमा एक जना अध्यक्ष, चार कार्यकारीणी उपाध्यक्ष र १२ जना उपाध्यक्ष निर्वाचित हुन्छन् भने निवर्तमान अध्यक्ष पदेन सदस्य रहने व्यवस्था रहेको छ ।
