बागलुङ, १३ माघ– नेकपा एमालेका महासचिव शंकर पोखरेलले बलियो राष्ट्रिय शक्ति निर्माण अभियान सुरु भएको बताएका छन् । देशमा देखिएका वर्तमान समस्या समाधानका लागि बलियो राजनीतिक शक्तिको आवश्यकता रहेको भन्दै पोखरेलले जनताका बीचमा पहिलो पार्टी एमालेले बलियो जनमत ल्याउने गरी अभियान सञ्चालन भैरहेको बताए ।
पार्टीभित्रै देखिएका समस्या समाधान गरेर पार्टी जोगाउने अभियानमा एमाले सफल भएको भन्दै पोखरेलले अब राष्ट्र र राष्ट्रियता जोगाउने अभियान सुरु भएको बताए । ‘वर्तमानमा देखिएका बेथितीबिरुद्ध एमालेले संघर्ष गर्नुपर्ने छ, पार्टीले संघर्षका कार्यक्रम तयार गरेर सार्वजनिक गर्छ, तपाईंहरु तयार रहनुहोला’ पोखरेलले भने ‘अहिलेको कारकारवाही चित्तबुझ्दो भएनन्, भ्रष्टाचार र बेथिती मौलाएको छ, चुप लागेर बस्ने अवस्था रहेन् ।’
बागलुङमा आयोजित कार्यकर्ता भेटघाट कार्यक्रमलाई सम्बोधन गर्दै पोखरेलले देशमा सामाजिक सुरक्षाको प्रत्याभ्रती र सुशासनका लागि एमाले नै सरकारमा रहनुपर्ने दाबी गरे । ‘एमाले सरकारमा हुँदा बुढाबुढीले भत्ता, शिक्षक, कर्मचारी र राष्ट्रसेवकले तलब बढ्ने आशा गर्छन्’ पोखरेलले भने ‘अहिले राजश्वले कर्मचारीको तलबभत्ता पु¥याउन कठिन छ ।’
