बागलुङ, २१ माघ– चिल्ड्रेनलाई इङ्लिस बोर्डिङ स्कुल र अमर आदर्श आवासीय मावि बागलुङ प्रेस चौचारी कप–२०८० को फाइनलमा भीड्ने भएका छन् ।
प्रेस चौतारी नेपाल बागलुङ शाखाले आयोजना गरेको प्रेस चौचारी कप–२०८० अन्तर्गत आइतबार भएका दुई खेलबाट दुई समुह फाईनलमा प्रबेश गरेका हुन् । पहिलो सेमीफाइनल खेलमा चिल्ड्रेन लाइफले आदर्श विद्यामन्दिर माबिलाई ३–० गोल अन्तरले पराजित ग¥यो ।
चिल्ड्रेन लाइफका बिबिध थापाले खेलको २० औं मिनेटमा गोल गरेर खेलमा अग्रता दिलाएका थिए । खेलको पहिलो हाफकै ३९ औं मिनेटमा थोमश थापाले एक गोल थपे । दोस्रो हाफको १६ औं मिनेटमा प्रमोद थापाले गरेको गोल चिल्ड्रेन लाइफको तेस्रो गोल बन्यो ।
दोश्रो खेलमा फ्युचर ब्राइटरलाई अमर आदर्शले १–० गोल अन्तरले पराजित ग¥यो । अमर आदर्शका लागि हनसन बोहराले खेलको ३० औं मिनेटमा गरेको गोल नै अमर आदर्शको जितका लागि निर्णयक गोल बन्यो ।
उपाधिका लागि सोमबार दिउँसो १ बजे फाईनल खेल हुने छ । खेलमा बिजेता हुनेले ५० हजार नगद, ट्रफी, मेडल र प्रमाणपत्र पाउनेछन् । उपबिजेताले २५ हजार नगद पुरस्कार, ट्रफी, मेडल र प्रमाणपत्र पाउने छन् । उत्कृष्ठ खेलाडी सम्मान समेतको व्यवस्था छ । प्रतियोगिताका लागि आयोजकले ४ लाख ७२ हजारको लागत अनुमान गरेको छ । यो खेलका लागि जिल्ला फुटबल संघ र जिल्ला खेलकुद विकास समितिले प्राविधिक सहयोग गरेका छन् ।
