बागलुङ, २ माघ – पछिल्लो २४ घण्टामा बागलुङमा ४० जनामा कोरोना संक्रमण पुष्टी भएको छ । आइतबार जिल्ला समन्वय समितिका उपप्रमुख विष्णु भुषाल, २ स्वास्थ्यकर्मी, दुई पत्रकार सहित ४० जनामा कोरोना पुष्टी भएको स्वास्थ्य कार्यालय बागलुङका कोरोना स्रोत व्यक्ति देवप्रकाश घिमिरेले जानकारी दिए ।
पिसिआर प्रविधि मार्फत एक र एन्टिजेन्टबाट ३९ जनाको कोरोना पुष्टी भएको हो । योसंगै जिल्लामा सक्रिय संक्रमितको संख्या ८८ पुगेको छ ।जिल्लामा अधिकाँश कोरोना संक्रमितहरुलाई रुखाखोकी र ज्वरो देखिएको छ ।
कोरोना बढ्न थालेपछि मेला, महोत्सव तथा भीडभाडका कार्यक्रम नगर्न जिल्ला प्रशासन कार्यलयले रोक लगाएको प्रमुख जिल्ला अधिकारी रमेश ढकालले बताए।
