स्याङ्जा, १९ माघ – जिल्ला अस्पतालमा अक्सिजन प्लान्ट संचालनमा आएको छ । अस्पतालमा अक्सिजन पल्यान्ट बनेसँगै अक्सिजन अभावमा कसैले पनि ज्यान गुमाउन नपर्ने भएको हो ।
अस्पताल प्रमुख डा. रमेश आचार्यका अनुसार १५ एनएमक्युब क्षमताको अक्सिजन प्लान्टले प्रति घण्टा १५ हजार लिटर अक्सिजन उत्पादन गर्ने र आठ हजार लिटर प्रतिघण्टा अक्सिजन भर्न सकिन्छ । अक्सिजन प्लान्टले दैनिक सरदर ७५ वटा अक्सिजन सिलिण्डर भर्ने डा. आचार्यले बताए ।
भरिएको प्रति सिलिन्डरमा छ हजार चार लिटर अक्सिजन हुने छ भने अक्सिजनका लागि जिल्लाले अब अन्य जिल्लाको भर पर्न नपर्ने भएको हो । एक करोड ३६ लाखको लागतमा संघीय सरकारको सहयोगमा भदौदेखि प्लान्ट निर्माण सुरु गरिएको थियो ।यहाँ उत्पादित अक्सिजनले स्याङ्जा जिल्ला भरको अक्सिजनको माग सहजै पूरा गर्न हुनेछ ।
अक्सिजन प्लान्टबाट उत्पादित अक्सिजनले स्याङ्जा जिल्लाभरको अक्सिजनको माग सहजै आपूर्ति हुने जिल्ला अस्पताल स्याङ्जाका अध्यक्ष इन्द्रबहादुर गोदारले जानकारी दिए । अक्सिजन प्लान्टको प्रमुख जिल्ला अधिकारी राजुप्रसाद पौडेलले उद्घाटन गरेका थिए ।
