काठमाडौं, ११ बैशाख – आगामी वैशाख ३० गते हुने स्थानीय तह निर्वाचनको लागि उम्मेदवारी मनोनयन दर्ता आजबाट शुरु भएको छ। आज र भोलि बिहान १० बजेदेखि साँझ ५ बजेसम्म स्थानीय तह निर्वाचनमा सहभागी हुने उम्मेदवारले मनोनयन दर्ता गर्न पाउने भएका छन्।
देशभरका ७५३ वटै स्थानीय तहमा वैशाख ३० गते एकैदिन स्थानीय तहको निर्वाचन हुँदैछ। आयोगले शनिवार पत्रकार सम्मेलन गरी आईतवार र सोमवार १० बजेदेखि साँझ ५ बजेसम्मको समयमा उमेदवारी मनोनयन दर्ता गर्न निर्देशन दिएको छ।सोही अनुसार केही दलहरू आफ्नो उम्मेदवारी दर्ता गर्न निर्वाचन समितिको कार्यालय पुगेका छन्।
