काठमाडौं, २८ बैशाख – स्थानीय तहको निर्वाचनमा मतदान गर्न मतदाता शहरबाट गाउँ फर्किन थालेका छन्। काठमाडौं लगायत देशका मुख्य शहरबाट लाखौं मतदाता गाउँ फर्किएका छन् भने केही फर्किने क्रममा छन्।
केही दिनयता काठमाडौंबाट बाहिरिनेको संख्या पनि अत्यधिक बढेको महानगरीय ट्राफिक प्रहरी कार्यालयले जनाएको छ।काठमाडौंबाट बाहिरिने नाकाहरूमा सवारी साधनको चाप बढेको छ। काठमाडौं भित्रिने भन्दा बाहिरिनेको संख्या धेरै रहेको ट्राफिक प्रहरीले जनाएको छ।
