कुश्मा, २७ जेठ – बरावर मत भएपछि पर्वतमा जिल्ला समन्वय समिति गठन गर्न नेकपा एमाले र सत्ता गठबन्धनविच गोलापर्थाबाट सहमती खोजिएको छ । जिसस गठन गर्न एमाले र सत्ता गठबन्धन विच गोलाप्रथाबाट प्रमुख, उप्रमुख लिने सहमति भएको हो ।
सहमतिअनुसार गोलाप्रथा गर्दा प्रमुख एमालेको भागमा परेको छ । उपप्रमुख सहित बहुमत सदस्य भने सत्ता गठबन्धनको भागमा परेको छ ।
जिल्ला समन्वय समितिमा एमाले र गठबन्धनका बिचमा समान ७ मत रहेका कारण सर्वसम्मत उमेदवारी दिने सहमति भएको थियो।
प्रमुख र उपप्रमुखको टुंगो लगाउने क्रममा गोलाप्रथाबाट एमालेको भागमा प्रमुख र सत्ता गठबन्धनलाई उपप्रमुख परेको हो ।
गोलापर्थाबाट भागबण्डा मिलाएपछि एमालेबाट प्रमुखमा बिष्णुराम विक र गठबन्धनबाट उपप्रमुखमा सोम जिसीले उमेदवारी दिने तयारी गरेका छन । एमालेले ३ सदस्य र सत्ता गठबन्धनले ४ सदस्यलाई उमेदवार बनाउने सहमति भएको छ ।
