परदेश!
थाहा छ नि
परदेश भनेको?
परको देश
यहाँबाट फर्केर आउँदैछु
तिम्रो लागि केही नासो र केही गुनासो बोकेर ल्याउँदैछु
आउने बितिक्कै एउटा ठूलो नाङ्ग्लो लिन्छु
र हिसाब गर्छु तिम्रो र मेरो सम्बन्धमा मिश्रित अड्काहरु
मैले पसिनासँग कमाएका हातका मैलहरु
तिम्रो लागि मात्र मैलो बनेछ
र पखालेर सक्काएछौ
मैले परिश्रमसँग गरेका सम्झौताहरु
माया त गाढा भएछन्
तर टाढा भएछन्
मेरो आफ्नै देउताहरु
हुन्छ, आउनेछु र हिसाब गर्नेछु।
मतलब गर्ने छैन
तिम्रो उठ-बस कोसँग थियो
हिसाब मात्र गर्नेछु
तिम्रो कारोबार जोसँग थियो।
मैले पसिना र आँसुले भिजाएका मैलहरु
कहाँ थेग्न सक्छु र
ऋणका आफ्नै तौलहरु
सबैले भनेका
मैले नसुनेका
तिम्रा चरित्रका चित्रहरु
देखाउँदै चित्कार गर्दै थिए
मेरा आफ्नै मित्रहरु
मसँग, म बाच्ने श्वास थियो
त्योभन्दा तिमीमा विश्वास थियोअब न रह्यो आश
न रह्यो विश्वास
तिमी मेरो लागि, म तिम्रो लागि जिउँदो लास
न रह्यो तिमी मेरो, न म तिम्रो खास
मनमा राखेरै तिमीले दिएका हजार झड्काहरु
परको देश
यहाँबाट फर्केर आउँदैछु
तिम्रो लागि केही नासो र केही गुनासो बोकेर ल्याउँदैछु
आउने बित्तिकै एउटा ठूलो नाङ्ग्लो लिन्छु
र हिसाब गर्छु तिम्रो र मेरो सम्बन्धमा मिश्रित अड्काहरु।
