बागलुङ, ४ फागुन – नेपाली कांग्रेस गण्डकी प्रदेश कार्यसमितिको कोषाध्यक्षमा बागलुङका बसन्तकुमार श्रेष्ठ मनोनित भएकाछन् । गण्डकी प्रदेश समितिको मंगलबार (हिजो)को बैठकले उनलाई कोषाध्यक्षमा चयन गरेको हो ।
कांग्रेसको विधानमा निर्वाचित सदस्यबाट कोषाध्यक्ष मनोनित गर्ने व्यवस्था छ । सोही व्यवस्था अनुसार सभापति शुक्रराज शर्माले श्रेष्ठलाई कोषाध्यक्षमा मनोनित गर्ने प्रस्ताव गरेपछि उनी सर्वसम्मत कोषाध्यक्ष बनेका हुन् ।
बागलुङ क्षेत्र नं. १ बाट महाधिवेशन प्रतिनिधि भएका श्रेष्ठ विद्यार्थी राजनीतिबाट उदाएका नेता हुन । वाककलाका धनी श्रेष्ठ अन्य सामाजिक संघ/संस्थामा पनि सक्रिय छन् । उनी गएको स्थानीय तहको निर्वाचनमा बागलुङ नगर पालिकाको प्रमुख (मेयर)को प्रत्यासी थिए ।
