बागलुङ, १४ फागुन – कालीगण्डकी नदीबाट अबैध रुपमा निकालिएको नदिजन्य पदार्थ बोकेर आएका चार सवारी साधनलाई जिल्ला प्रहरी कार्यालय बागलुङले नियन्त्रणमा लिएको छ ।
बागलुङ नगरपालिका-१ खनियाघाटबाट अबैध नदिजन्य पदार्थसहित ४ वटा ट्याक्टरलाई नियन्त्रणमा लिईएको प्रहरीले जनाएको छ ।
प्रहरीले ग १ त ६२१९, ग १ त ६७७०, ग १ त ५५४२ र ध १ त ४४७९ नम्बरका ट्याक्टरहरु नियन्त्रणमा लिएको हो । कालीगण्डकीबाट ढुङ्गा र बालुवा लोड गरी बागलुङतर्फ आउँदै गरेको अवस्थामा फेला पारी नियन्त्रणमा लिईएको जिल्ला प्रहरी कार्यालय बागलुङ सुचना अधिकारी तथा प्रहरी निरीक्षक बिजय भण्डारीले जानकारी दिए ।
नियन्त्रणमा लिएका ट्याक्टरहरुले बागलुङ नगरपालिका वडा नम्बर ४ को वडा कार्यालयले दिएको अनुमतिपत्र देखाएको तर वडा कार्यालयले नदिजन्य पदार्थ उत्खनन् र ढुवानीका लागि अनुमानि दिन नमिल्ने भएकाले नियन्त्रणमा लिइएको प्रहरीको भनाई छ ।
नियन्त्रणमा लिईएका सवै ट्याक्टरलाई आवश्यक कारवाहीको लागि नगरपालिकालाई जानकारी गराइएको प्रहरीले जनाएको छ ।
