बागलुङ, १५ फागुन – जिल्ला प्रहरी कार्यालय बागलुङले ८१ थान एम्पुल लागुऔषधसहित एक जनालाई पक्राउ गरेको छ ।
लागुऔषध लुकाईराखेको सूचनाको आधारमा खोजी गर्दा बागलुङ नगरपालिका–४ का अबिनाश बोहराको घरबाट लागुऔषध बरामद गरेको हो ।
बोहराको हातमा एक थान लागुऔषध देखेपछि खोजतलास गर्दा ८१ थान एम्पुल लागुऔषध घरमा लुकाईराखेको अबस्थामा फेला परेको प्रहरी निरीक्षक बिजय भण्डारीले बताए ।
बोहराको साथबाट २७ थान नुरफिन, २७ थान डाइजापाम र २७ थान फेनारगन बरामद भएको उनले बताए ।
बोहरालाई प्रहरीले नियन्त्रणमा लिएर अनुसन्धान थालेको छ । ‘उसँग जोडिएका धेरै हुनसक्छन्, के कसरी उसको घरसम्म आईपुग्यो भन्नेबारे खोजी भैरहेको छ’ उनले भने ।
