बागलुङ, २६ फागुन – जिल्लाको निसीखोलामा मोटरसाइकल दुर्घटना हुँदा एक जनाको मृत्यु भएको छ । बिहिबार विहान निसीखोला गाउँपालिका-४ झिवाखोलादेखि याङ्म्याङ जाने क्रममा मोटरसाइकल दुर्घटना हुँदा स्थानीय ४० वर्षीय देवीराम खड्काको मृत्यु भएको जिल्ला प्रहरी कार्यालय बागलुङले जनाएको छ ।
सूचना अधिकारी विजय भण्डारीका अनुसार ध. २ प. १९२१ नम्बरको मोटरसाइकल सडकदेखि करीव २०० मिटर तल गहतेरा खोलामा खसेको छ । मोटरसाइकलसँगै खड्का पनि खोलामा फेला परेको प्रहरीले जनाएको छ ।
