पोखरा –गण्डकी प्रदेश सभाको शुक्रबार बसेको बैठकमा बालबालिकाको अधिकार सम्बन्धी व्यवस्था गर्न बनेको विधेयक पेश भएको छ । विधायन समितिमा दफावार छलफलपश्चात सैद्धान्तिक छलफलका लागि सदनमा पेश गरिएको हो ।
विधायन समितिका सभापति विष्णुप्रसाद लामिछानेले उक्त विधेयकका विषयमा समितिले सरोकारवाला र विज्ञसँग छलफल गरेको जानकारी दिए । बालबालिकाका मौलिक हक र संविधानले गरेको व्यवस्था अनुसार प्रदेशमा उक्त विधेयक तयार पारेको समितिले जनाएको छ ।
प्रदेश सभामा उक्त विधेयकबारे सैद्धान्तिक छलफल गरेर पारित गर्ने सत्तापक्षको तयारी छ । सभामुख नेत्रनाथ अधिकारीले अर्को बैठक चैत ६ गतेका लागि बोलाएका छन् ।
