बागलुङ, ६ बैशाख – भीरको बाटो हिँड्नु पर्दा विद्यालय पुग्न पनि सास्ती थियो । प्रशासनिक कामले वडा कार्यालय जानुभन्दा सदरमुकाम पुग्न सहज थियो । उक्त भीर काटेर अहिले टोलटोलमा सडक पुगेको छ ।
बागलुङ नगरपालिका–११ को रायडाँडामा अहिले टोल–टोलमै गाडी चढेर पुग्न सकिने भएको हो । जोखिम क्षेत्र भएकोले बिशेष क्षेत्रमा सूचिकृत गरेर लगानी बढाउँदा रायडाँडाले विकासको गति बढाएको हो ।
बिशेष क्षेत्रलाई लगानीमा प्राथमिकता दिने सरकारी नीति र वडाको निरन्तर प्रयासपछि भीर फोडेर २० किमीभन्दा धेरै सडक संजाल बनेको छ । त्योमध्ये ११ किमी लामो पूर्वपश्चिम फैलिएको वडा गौरवको सडक बनेको हो । त्यसबाहेक ४ वटा छोटा सडक पनि बनेपछि सबै टोलमा जिप चढेर पुग्न सकिने भएको छ ।
मुकामसम्म पुग्ने सडकको ट्रयाक मात्रै खुलेको रायडाँडामा अब भने सबै टोलमा गाडी चढेर जान सकिने भएको हो । बिरामी पर्दा समयमा उपचार गर्न नपाउने बाध्यता अहिले हटेको स्थानीयले बताए । रामतोला, आफ्रे र सल्यानबासी चार घण्टा लगाएर सामान्य काममा वडा पुग्ने बाध्यता अहिले हटेको हो । गर्भवती, सुत्केरी र बुढापाकाहरु डोकोमा बोकिएर स्वास्थ्य चौकी आउने बाध्यता अहिले हटेको छ ।
भौगोलिक जटिलताका कारण वडाका ६० प्रतिशत घरका मानिस सदरमुकाममा डेरा लिन्थे । गाडी चढेर दुइतीन घण्टासम्म पैदल यात्रा गर्नुपथ्र्यो । तर अहिले गाउँ पुग्ने सडक स्तरीय भएको छ । सदरमुकामदेखि झण्डै ३० किमी दुरीको आफ्रे र सल्यानसम्म गाडी चढेर पुग्न सकिने भएको हो ।
मुख्य सडक मात्र नभइ वडाका सबै टोल–टोलमा बाटो पुगेको छ । जटिल भूगोल चिरेर गौरवको आयोजनाअन्र्तगत वडाभित्रै ११ किमी लामो छुट्टै सडक बनेको हो । यो सडकले तत्कालिन रायडाँडा गाविसको वडा नं. १ देखि ९ सम्मका सबै बस्ती जोड्छ ।
‘यो सडकको ट्रयाक खुलेपछि हामीलाई बलेवा, जैमिनी नगरको कुश्मीसेरा र सदरमुकाम जता गएपछि बाटो खुल्यो’ रामतोलाका धनबहादुर हरिजनले भने, ‘टोल–टोलमा चोक बनिसकेकोले साइनबोर्ड राख्नुपर्ने भैसकेको छ ।’ गैराघर, रामतोला, मौरीभीर, रायडाँडा, आफ्रे, सल्यानहुँदै सडकले जैमिनी नगरको वडा नं. ३ तर्फको पहुँच बढाएको छ ।
नगरको बजेटले नपुगेपछि संघ र प्रदेशमा धाएर योजनाहरु पुरा गरेको वडा अध्यक्ष ज्ञानेन्द्र गौतमले बताए । ‘पटक पटक बजेट माग्दा नगरमा अर्गेलो भइयो, काठमाण्डौ सम्म पुगेर ल्याएको बजेटले मात्रै काम देखियो’ गौतमले भने, ‘अहिले सदरमुकाम सहित छिमेकी जैमिनी नगरपालिका र काठेखोला गाउँपालिका जाने नाकाहरु खुलेका छन् ।’
सानो बजेटबाट भएको परिवर्तन देखेर नगरप्रमुख जनकराज पौडेल पनि सन्तुष्ट छन् । ‘दुर्गम भएपनि काम राम्रो भएको रहेछ’ जिल्ला समन्वय प्रमुख राजेन्द्र ढुंगानाले भने, ‘जटिल भूगोलमा काम गर्दा राम्रो नतिजा देख्रिएको छ ।’ अनुगमनको क्रममा यो वडाको पूर्वाधारलाइ ढुंगानाले अब्बल ठह¥याएको बताए ।
यहाँबाट सदरमुकाम जोड्ने सडक पनि स्तरीय बनेको छ । डाँडो चिरा पारेर चारवटा छुट्टै ट्रयाक खुलेका छन् । गौरवको आयोजना अन्र्तगत ११ किमी ट्रयाक खोल्दा ३ करोड ५० लाख खर्च भएको गौतमले बताए । त्यसबाहेक लिस्नेभीरमा १ किमी पहरा फोडेर ट्रयाक खोल्न नेपाली सेनाले सघाएको थियो । १ करोड लगानीमा सेनाले बिष्फोटक पदार्थ प्रयोग गरेर ट्रयाक खुलेको हो । अन्य शाखा सडकमापनि २ करोडबढी लगानी भैसकेको हो ।
सडक संजालले पाँच बर्षमै ठूलो परिवर्तन देख्न पाएको स्थानीय तेजकुमारी क्षेत्रीले बताइन् । सडक संजाल सबै टोलमा पुगेपछि उपचारमा निस्कने देखि बिद्यार्थी र शिक्षकले पनि सहज यात्रा गर्न पाएको बताए । किसानले फलाएका उत्पादन बजार पठाउन पनि सकेकोमा खुसी भएका छन् ।
